2022 жылдың 12 сәуірінде Қостанай автомобиль көлігі колледжінде Қазақстандағы ғылым қызметкерлері күніне арналған “Ғылым және жастар: мәселелер мен шешімдер” атты халықаралық ғылыми-практикалық конференция өтті. 4 курс студенті Досымханов Ернұрдың “Ақсу ГРЭС 2400мвт өнеркәсіптік объектісіне қатысты “Еуроазиялық энергетикалық Корпорация” АҚ базасында электр желілерінде энергия үнемдеуді жетілдіру бойынша іс - шараларды әзірлеу” тақырыбындағы Д. Д. Айкимбаева мен Ж. Т. Жанкаринованың жетекшілігімен дайындалған ғылыми-зерттеу жобасы 3-ші орынға ие болды.

Жобада 500 кВ кернеулі желідегі кернеудің жоғалуын азайтуға әсер ететін климаттық және режимдік факторларды ескере отырып, ғылыми-техникалық және ұйымдастырушылық шаралар зерттелді. 

Жобаның практикалық маңыздылығы-энергия тиімділігі көрсеткіштерін жақсарту, электр энергиясының шығындарын 13-тен 8,9%-ға дейін төмендету.