2017ж. 16 қарашада КМҚК «Павлодар машина жасау колледжінің» студенті Арипов Жыргал Темекі шегуден бас тарту күні (19 қараша) және оған арналған онкүндікке орай «Салауатты өмір салтын қолдау орталығы» ЖШС-мен ұйымдастырылған «Дені сау жастар – дені сау болашақ» конференциясына қатысты. Арипов Жыргал – «Машина жасау технологиясы» мамандығы бойынша екінші курста оқиды, оқу үздігі, колледждің қоғамдық өміріне белсенді қатысушы. Студенттің баяндама тақырыбы «Менің колледжім – денсаулық аумағы» әрі таныстыру слайдтары дайындалды. Студенттің баяндамасында дене, психикалық және адамгершілік саулық, басқаша айтқанда аурулар мен дене ақаулықтарының болмауы ғана емес, «денсаулық – бұл дене, рухани және әлеуметтік сәттілік» идеясы қамтылған. Әр құрылымға студент көбінесе өз тобынан, колледждің тәрбие жұмысынан, сонымен қатар өзініңбелсенділік өміршеңдік ұстанымынан мысалдар келтірді. Конференцияға қатысқаны үшін Арипов Жыргал үшінші орынға ие болды.