2016 жылы 13 сәуірде ҚР Тәуелсіздігінің 25 – жылдығын мерекелеу аясында, ұлтжандылық сезімге тәрбиелеуге жағдай жасау және қазақ халқының мәдениеті мен тарихи мұрасын құрметтеу әрі қызығушылық таныттыру мақсатында «Менің Қазақстаным – менің болашағым» атты конференция өткізілді. Конференцияны ТМ 14-9-1 тобының сынып жетекшісі Г.Қ. Ахметова ұйымдастырды.

«Бейбітшілік және келісім – Қазақстанның таңдауы» тақырыбымен Жүнісова Саида, «Қазақстанның мәдени мұрасы» тақырыбымен Хамитова Жұлдыз, «Мемлекеттік рәміздер – халықтың мақтанышы» тақырыбымен Сәдуақасова Әсем, «Менің Қазақстаным, астанам менің болашағым» тақырыбымен Бойченко Полина, «Ұлттық валюта – бәсекеге қабілетті Қазақстанның басты белгісі» тақырыбымен Қаирханов Әсет баяндамамен сөз сөйледі. Баяндамашылар Қазақстанда бір шаңырақ астында бейбітшілік пен келісімшілікте жүзден астам ұлттар мен ұлыстар өмір сүріп жатқандығын, оларды ортақ – Біз Қазақстан халқы біріктіретінімізді айтып өтті. Конференция соңында қатысушылар грамоталармен марапатталды.