2016-2017 оқу жылы Павлодар машина жасау колледжіне 117 бала оқуға түсті. Оларға колледжге келген бірінші айларда оңай болған жоқ. Бейімделу мәселесі бірінші курс студенттері үшін маңызды болып табылады. Бірінші оқу жылының бойына бірінші курс студенттерінің студенттер ұжымына араласу үрдісі жүріп, ақыл-ой әрекетін тиімді ұйымдастыру бойынша дағдылары мен іскерліктері қалыптасады, таңдаған мамандықтарының маңызын түсініп, тиімді еңбек, бос уақытты өткізу, тұрмыстық режимі қалыптасады, тұлға сапасының кәсіби маңыздылығы дамиды және тәрбиеленеді. Студенттің табысты іс-әрекет жағдайына қажеттісі оның колледждегі оқудың жаңа ерекшеліктерін меңгеру болып табылады, сондықтан оларға аптасына бір рет колледжде өткізілетін бейімделушілік тренингтері жұмыс істейді.