Өткізілетін орын: колледждің мәжіліс залы

Лектор: Әлімханов Олжас Сансызбайұлы – Павлодар қ. бойынша Жемқорлыққа қарсы комитеттің маманы

Қатысқандар:  Барлығы 72 оқушы: 21 адам - ТМ16-9-1т., 18 адам – ЭЭЖ 16-9-1т., 18 адам – ЛП16-9-1т., 15 адам – ТМ17-11-1т.

          О.С. Әлімханов әлемдік көлемдегі жемқорлық картасы туралы оқушыларға айтып, бірнеше елдердің жемқорлық деңгейі бойынша салыстырма жасады. Ол Қазақстанның 131 орында тұрғандығын айтты. 2016 жылы жемқорлыққа қарсы қызмет лауазымдық тұлғалардың қолдауында болған 8 ҰҚТ-ның қылмысы әшкереленіп, 90 адам жазаға тартылды. Сондықтан жемқорлықпен күресті күшейту үшін Қазақстанда Мемлекеттік қызмет және жемқорлыққа қарсы күрес агенттігі құрылды. Бұл арнайы бөлім жемқорлық құқық бұзушылықты жүйелі түрде ескерту және оның алдын алу үшін құрылған. ҚР Үкіметінің 2015 жылғы 30 желтоқсанда №1131 Қаулысында жемқорлық құқық бұзушылық оқиғалары туралы хабарлама үшін бір реттік ақшалай сыйлық қарастырылған. 

          Әрі қарай оқушыларға жемқорлық және іс-шаралар мен оларды ескерту туралы бейне фильм көрсетілді.

           Оқушыларға дәріс өте ұнады, өйткені ол мазмұнды әрі тиімді болды.