Басшының ақпараттық технологиялар жөніндегі орынбасары 30 наурызда колледжде "Мемлекеттік қызмет көрсетудің жаңа стандарттары – сыбайлас жемқорлықты азайту кепілі" тақырыбында топтарда ақпараттық сағат өткізді.

Іс-шараның мақсаты – мемлекеттік қызмет алушылардың құқықтарын түсіндіру, оның ішінде мемлекеттік қызмет көрсету стандарттарымен және регламенттерімен танысу мүмкіндіктері, шағымдану тәсілдері, ХҚКО арқылы немесе электрондық нысанда алу туралы жұмыс.

Баяндамашы мемлекеттік қызмет көрсету саласы – мемлекеттік қызметшілер халықпен тығыз қарым-қатынас жасайтын қоғамдық өмірдің бір жағы екендігі туралы ережені ашты. Мұндай қызмет түрлерінің монополиялық сипаты сыбайлас жемқорлық тәуекелдерінің себептерін негіздейді. Әңгіме барысында мемлекеттік қызметтерді электрондық форматта алу мәселелері, қызмет көрсету стандарттары мен регламенттері қаралды.

Іс-шара соңында қатысушылар сұрақтар қойып, оларға тиісті жауаптар алды.