Жыл сайын қазан айының бірінші жексенбісінде біздің республикада «Ұстаздар күні» мерекесі аталып өтіледі.

Осы күні біздің қымбатты педагогтарға алғыстар айтылып, концерттер ұйымдастырылады. Бұл мерекелік іс-шара біздің назарымыздан да тыс қалған жоқ.

Таңертеңнен колледж студенттері педагогтарға құттықтау өлеңдерімен «тірі дәліз» ұйымдастырып, мерекелік көңіл-күй сыйлады.

Мереке иелеріне ЛП 15-9-1 және ЭЭЖ 16-11-1 топтарының студенттері дайындаған мерекелік концерт ұсынылды. Колледж басшысы Қаирбаев Қайрат Айткенұлы құттықтау сөз сөйлеп, белсенді әрі дарынды педагогтарға грамоталар табыстады.

Концертте Серлан Әсет пен Өмірбек Толқынның орындауындағы керемет «Ұстазым», сонымен қатар Марат Мерхат, Серлан Әсеп пен Көкеш Әнеттің орындауындағы «Ана» әндері шырқалды. Концерттің барысында біз жас ұстаздармен жақынырақ танысып, оларға әзіл емтихан ұйымдастырылды. Сонымен қатар студенттер оқытушыларды өздерінің «Емтихан» сахналық көрінісімен тәнті етті. Іс-шара соңында «Ұстазым» атты жақсы әні шырқалды.